1985 թ-ի այս օրը ծնվել է մեր օրերի ամենասիրելի ու ճանաչված երգիչներից մեկը` Բրունո Մարսը:
Նա իր կարիերան սկսել է 2006 թ-ից, բայց արդեն հասցրել է արժանանալ «Գրեմմիի» և պայթեցնել համաշխարհային հիթ շքերթներն այնպիսի երգերով, ինչպիսիք են «Grenade»-ը, «Just The Way You Are»-ը և «Lazy Song»-ը:
Բրունոն ծնվել է մեծ ընտանիքում: Նա ընտանիքի 6 երախաներից մեկն է:
Բրունո Մարսի իրական անունը Փիթեր Ջին Բայոթ Էրնանդես է:
Բրունո Մարս բեմական կեղծանունը նա ընտրել է ի պատիվ ծանրորդ Բրունո Սամարտինոյի: Քանի որ երգիչն իրեն համարում էր այս մոլորակից կտրված մարդ, որոշեց որ պիտի կոչվի Բրունո Մարս: Իսկ փոքր տարիքում նրան անվանում էին փոքրիկ Էլվիս:
Մարսը բազմիցս նշել է, որ երաժշտական աշխարհի իր կուռքերն են Մայքլ Ջեքսոնն ու Էլվիս Փրեսլին:
Երաժիշտը աչքի չի ընկնում իր հասակով (նրա հասակը 165 սմ է): Նրա ցածրահասակ լինելը, հատկապես, աչք զարնեց 2013 թ-ի «MTV Music Awards»-ի ժամանակ, երբ Բրունոյին «Moonman» տեսահոլովակի համար մրցանակ հանձնեց ամենաբարձրահասակ երգչուիներից մեկը` Թեյլոր Սվիֆթը: Բայց ցածր հասակը Մարսին չի խանգարում մշտապես լինել գեղեցիկ սեռի ուշադրության կենտրոնում. չէ՞ որ խարիզմատիկ երգիչը նաև շատ տաղանդավոր է: Նա տիրապետում է դհոլին, դաշնամուրին և կիթառին:
Բրունոյի նախընտրած գույնը շագանակագույնն է:
Իր երգերից երգիչն ամենաշատը սիրում է «Count on Me» ստեղծագործությունը:
Երաժիշտի երգերի մեծ մասը կարճ ժամանակում դառնում են հիթեր: Դրանցից մեկն, օրինակ, Մարկ Ռոնսոնի հետ «Uptown Funk» դուետն է, որը գլխավորել է «Media Traffic» կայքի կազմած 2015 թ-ի ամենահայտնի երգերի վարկանիշային աղյուսակը:
Սյունե Առաքելյան