Սոչիում շարունակվում է «Նոր ալիք» երգի փառատոնը, որտեղ երրորդ մրցութային օրվան պատրաստվող մասնակիցներից բացի բեմ են դուրս գալիս նաեւ ռուսական էստրադայի աստղերը:
Երեկ փառատոնում «ընտանեկան» օր էր, որը մռայլվեց Նատալյա Պոդոլսկայայի հետ կատարված տհաճ միջադեպի պատճառով:
Երգչուհին կորցրել է իր թանկարժեք ժամացույցը, որը թողել էր հանդերձասենյակում՝ բեմ դուրս գալուց առաջ, գրում է ռուսական Super պորտալը:
Պոդոլսկայան միանգամից չէր նկատել կորուստը: Երգչուհին ձեռքից հանել էր թանկարժեք աքսեսուարը, երբ լուսանկարվում էր իր Instagram-ի էջի համար. Նատալյան ուզում էր պատկերել ձեռքի ապարանջանը, որի վրա որդու՝ Արտեմիի փորագրված պատկերն է:
Այն պահին, երբ նա լուսանկարվում էր, նրա ձեռքին նաեւ ժամացույց կար, որը խանգարում էր, դրա համար էլ Նատաշան այն հանել էր: Իսկ հետո ինչ -որ մեկը շեղել էր նրա ուշադրությունը ու նա պարզապես մոռացել էր այն վերցնել սեղանի վրայից: Ավելի ուշ՝ երբ հայտնաբերել էր կորուստը, նա բնականաբար անմիջապես զանգահարել էր մրցույթի կազմակերպիչներին: Բայց հանդերձասենյակում այլեւս ոչ մի ժամացույց չեն գտել, գրում է պորտալը:
Պոդոլսկայայի Chopard ժամացույցը զարդարված էր ադամանդներով ու մոտավորապես 5000 եվրո արժեր: