Քանյե Ուեսթի հագուստի հավաքածուի աննորմալ գներն ապշեցրել են երկրպագուներին
11:02 30 հոկտեմբերի, 2015Երեկ վաճառքում է հայտնվել Քանյե Ուեսթի ստեղծած հագուստը՝ այն նույն հավաքածուն, որը ռեփ երգիչը ներկայացրել էր Նյու Յորքում՝ Նորաձեւության շաբաթվա ընթացքում, Adidas–ի հետ համագործակցությամբ:
Պետք է նշել, որ երգչի երկրպագուները համացանցը հեղեղել էին մեկնաբանություններով, քննադատելով Քանյեի գնային քաղաքականությունը, քանի որ հագուստը չափազանց թանկ է:
Ոմանք իրենց մեկնաբանություններում հետեւյալն են նշում.
«Քանյե, ես սպասում էի նոր հավաքածուին, բայց չգիտեի, որ սվիտերը կարժենա այնքան, որքան բնակարանի մեկ ամսվա վարձը»
Կամ
«Քանյեն դժգոհ է Apple-ի ապրանքների հավելվածների գներից, իսկ իր գները դրանցից ցածր չեն»:
«Երկու հազար դոլար Ուեսթի պատառոտած սվիտերի համա՞ր: Ես ինքս իմն անվճար կպատառոտեմ»
Պետք է նշել, որ այն բուտիկում, որտեղ վաճառքի է դրվել Ուեսթի հավաքածուն, առավոտից հերթ էր գոյացել:
Հավաքածուն 24 ժամում գրեթե ամբողջությամբ գնվել էր:
Որոշ երկրպագուներ էլ իրենց գնած հագուստներով լուսանկարվում էին բուտիկի ֆոնին:
Ժիլետ՝ $545
Տաբատ՝ $575
Սվիտեր՝$1430
Պատռված սվիտեր՝ $2600
Աղբյուր՝ Daily Mail