Տաքուկ ու գեղեցիկ շարֆը այս ձմռանը մեզ պետք կգա։ Այսինքն ինչու ձմռանը, արդեն հիմա է պետք: Ժամանակակից նորաձեւությունը մեզ թույլ է տալիս մեր զգեստապահարանը համալրել հետաքրքիր մոդելներով:
Ձեր ուշադրությանն ենք ներկայացնում շարֆերի հինգ լավագույն տարբերակները գալիք ձմռան համար
1. Գույնզգույն սնուդ
Հարմար է միագույն բաճկոնի կամ մուգ երանգի վերարկուի համար: Սնուդի գույների բազմազանության շնորհիվ այն հնարավոր կլինի համադրել մեծ քանակությամբ աքսեսուարների հետ:
2. Բրդե շարֆ
Տարվա ցուրտ եղանակների համար նախատեսված այս դասական գործվածքը շատ գրավիչ տեսք կունենա, եթե գունավոր թելերից գործվի ու համադրվի մուգ վերնազգեստի հետ:
3. Երկար միագույն շարֆ
Այն շատ շահեկան տեսք կունենա թե մուգ հագուստի, թե ուղտի բրդի գույնի դասական վերարկուի հետ:
4. Գծավոր շարֆ
Եվս մեկ տարբերակ դասական ոճի սիրահարների համար: Թարմ տեսք ունի պաստելային երանգների շնորհիվ ու շատ գեղեցիկ է մոխրագույն, շագանակագույն ու կապույտ բաճկոնների կամ վերարկուների հետ:
5. Շատ մեծ գործվածքով շարֆ
Այն ձմեռային հարմարավետության մարմնավորումն է: Դրա մեջ կարելի է փաթաթվել գլխով կամ էլ թողնել, որ ծայրերը կախված մնան:
Աղբյուր՝ Liza.ua