VARDA-ն «На высоте» ամսագրում՝ Հոլանդիայի ռուսալեզու բնակչության համար
12:11 21 նոյեմբերի, 20152009-ին VARDA-ն դարձել է pole-dance-ի աշխարհի չեմպիոն՝ ստանալով այդ բարձր տիտղոսը հենց Նիդեռլանդներում: Հոլանդիայի ռուսալեզու բնակչության համար նախատեսված այս ամսագիրը որոշել է մի քանի հարց տալ հայուհուն՝ Ամստերդամից նրա տպավորությունների ու հաղթանակի զգացողությունների մասին:
Այն հարցին՝ արդյոք pole-dance –ը կանանց օգնում է տղամարդկանց գայթակղելու հարցում, պարուհին պատասխանել է .
«Ցանկացած պար դրական է ազդում կնոջ վրա՝ նրան դարձնելով ավելի նրբագեղ: Իհարկե, տղամարդիկ ուշադրություն են դարձնում գեղեցիկ քայլվածքով, լավ կեցվածքով ու վստահ հայացքով կանանց վրա: Իսկ ձողի վրա պարելն օգնում է բացահայտել հենց այդ հատկանիշները: Բացի այս ամենից, աղջիկները որոնք զբաղվում են ձողապարերով, շատ ուժեղ են, քանի որ կարողանում են բարդ մարմնամարզական հնարքներ անել: Ամուսնանալով նման աղջկա հետ՝ դուք չեք սխալվի: Նա կկարողանա սուպերմարկետից ծանր փաթեթներն ինքնուրույն տուն հասցնել (ծիծաղում է):
Նյութը՝ պարուհու մամուլի ծառայությունից