Այսօր`նոյեմբերի 21-ին, Բուլղարիայի մայրաքաղաք Սոֆիայում կկայանա «Մանկական Եվրատեսիլ 2015» ամենամյա երգի մրցույթը, որին այս տարի Հայաստանը կներկայացնի 12-ամյա Միկան: Մեր մասնակիցը Եվրոպային կփորձի հաղորդել «Love» (Լավ) տրամադրություն` իր համանուն երգով:
Մինչ մրցույթում ներկայանալը Միկային պետք է ուղեկցեն բարձր տրամադրությունը, ոգեշնչող խոսքերը, եւ, իհարկե, մաղթանքներն ու խորհուրդները` փորձառու գործընկերների կողմից:
Այդ պարտականությունը մենք «դրեցինք» «Մանկական Եվրատեսիլ» մրցույթի 2009 եւ 2011 թվականների մեր մասնակից գեղեցկուհիների՝ Լուարա Հայրապետյանի եւ Դալիթայի ուսերին:
«Միկային ցանկանում եմ գեղեցիկ ելույթ եւ հաջողություն»,-NEWS.am STYLE-ի հետ զրույցում նշեց Լուարան:
Իսկ Դալիթան մաղթեց Միկային, նախ եւ առաջ, լավ ժամանակ անցկացնել.
««Մանկական Եվրատեսիլը, իսկական, տոն է բոլոր երեխաների համար: Մաղթում եմ, որ պատվով ներկայացնի մեր երկիրը եւ հաղթանակով վերադառնա Հայաստան: Խորհուրդ եմ տալիս, որ չհուզվի»,-մեզ հետ զրույցում նշեց Դալիթան:
NEWS.am STYLE-ը եւս մեր մասնակցին մաղթում է լավ ելույթ, բարձր տրամադրություն եւ իհարկե, հաղթանակ:
Սյունե Առաքելյան