Նորաձեւության աշխարհի մի շարք հայտնիներ` Անահիտ Ղազարյանի աքսեսուարների ցուցահանդեսին (ֆոտոռեպորտաժ)
13:25 22 նոյեմբերի, 2015Երեկ` նոյեմբերի 21-ին, Marriott
«Հավաքածուն ստեղծելիս ոգեշնչվել եմ աշնանային բնությամբ: Աշուն-ձմեռ 2015-2016 այս հավաքածուի մեջ օգտագործել եմ բնական քարեր, կաշի, մետաղ, ապակի, մորթի…Սիրում եմ աշխատել կոլաժային ոճով եւ խառնել տարբեր նյութեր: Իմ հավաքածուի նշանաբանն է` «Կերտեք ձեր անհատական ոճը: Կարծում եմ` առանց աքսեսուարների կնոջ կերպարն ավարտուն չէ, իսկ այս սեզոնին դրանք կարելի է համադրել գլխարկների եւ վերնազգեստների հետ»,-ասում է Անահիտը, որը նաեւ անց է կացնում գրագետ հագուկապի եւ նորաձեւության մասին թրեյնինգներ:
Հարցին, թե ինչու որոշեց հավաքածուն ստեղծել մայրերի եւ դուստրերի թեմատիկայով, Անահիտը պատասխանեց. «Ինձ համար շատ ակնահաճո է, երբ մայրերն ու դուստրերը միանման են հագնվում, այդ պատճառով էլ հավաքածուս ստեղծված է այդ թեմայով»:
Ի դեպ, ցուցադրությունն ուներ նաեւ բարեգործական բնույթ: Առաջին իսկ վաճառված զարդի հասույթը փոխանցվելու է «Առողջության կամուրջ» հիմնադրամին: Մեզ հետ զրույցում հիմնադրամի նախագահ Անահիտ Բաղդասարյանն ասաց.
«Համագործակցության առաջարկը ստացել եմ հենց Անահիտից: Շատ տպավորված եմ ցուցադրությունից եւ շատ ուրախ եմ տեղեկացնել, որ հենց առաջին վաճառված զարդի հասույթը փոխանցվելու է մեր հիմնադրամին, ինչը կնպաստի որեւէ երեխայի առողջացման գործընթացին»:
Անահիտ Ղազարյանի յուրօրինակ ցուցադրությանը ներկա էին նաեւ հայտնի հյուրեր: Նրանցից էր, օրինակ, Անահիտ Սիմոնյանը, որը NEWS.am STYLE-ի հետ զրույցում նշեց.
«Անահիտին ծանոթ եմ շատ վաղուց, երբ նա դեռ այս ամենով չէր զբաղվում: Ընտանիքներով շատ մտերիմ ենք եւ միշտ եմ նկատել նրա բարձրաճաշակ ոճը: Շատ ուրախ եմ, որ այսօր նա ներկայացավ իր աքսեսուարների հավաքածոուով: Շատ գեղեցիկ եւ տարբերվող աշխատանքներ այսօր տեսանք: Ինձ դուր եկան դրանք բոլորը»:
Խոսելով Անահիտի ստեղծած զարդերի մասին` հաղորդավարուհի Սիմա Բաղդասարյանը նշեց.
«Շատ տպավորված եմ այս ցուցադրությունից եւ Անահիտի ներկայացրած բոլոր զարդերից: Իսկ ամենաշատն ինձ տպավորել է հենց այն զարդը, որն այսօր կրում է Անահիտը»:
Երեւանի գլխավոր դիզայներ Գագա Ամատունին եւս NEWS.am STYLE-ի հետ կիսվեց իր տպավորություններով.
«Բացի այն, որ շատ հավանել եմ այս հավաքածուն, կարծում եմ` այս միջոցառման ամենակարեւոր գաղփարն այն է, որ սա արվում է նաեւ բարեգործական նպատակներով: Համոզված եմ` այս աշխատանքներն ունեն շատ լավ հեռանկարներ: Շնորհավորում եմ Անահիտին: Մաղթում եմ, որ նա շատ մեծ բարձրունքների հասնի»:
Նշենք, որ երեկվանց սկսած Fashiondrug by Anahit Ghazaryan հավաքածուն արդեն ներկայացված է վաճառքի: Բոլոր ցանկացողները հավաքածուին կարող են ծանոթանալ Fashiondrug.am կայքում:
Սյունե Առաքելյան
Լուսանկարները` Մելինե Տոնոյանի եւ Արսեն Սարգսյանի