«Վամպրիր օրագրերը». Առեղծվածային պատմությունը շարունակվում է առանց Էլենայի
17:19 24 նոյեմբերի, 2015Բոլոր նրանց, ովքեր դեռ չեն դիտել «Վամպիրի օրագրերը» հանրահայտ հեռուստասերիալի 7-րդ եթերաշրջանը, քանի որ կարծում են` ֆիլմը հետաքրքիր շարունակություն չի կարող ունենալ առանց գլխավոր հերոսուի Էլենայի, տեղեկացնենք, որ հեռուստաշոուն ունի սցենարային նոր լուծումներ եւ անհավանական պատմություններ:
Ինչպես պարզ դարձավ նախորդ եթերաշրջանի ավարտին` Ստեֆան եւ Դեյմոն Սալվատորեների մայրը` Լիլին ողջ է: Սակայն ներկայում նա իր համար նոր զավակներ է գտել` հանուն որոնց պատրաստ է պայքարել հարազատ որդիների դեմ:
Դեյմոնն ու Ստեֆանը, իհարկե, չեն կարող թույլ տալ, որ Միսթիք Ֆոլս ժամանած նոր հրեշներն իրենցով անեն ամբողջ քաղաքն ու ոչնչացնեն բնակիչներին: Տղաները դուրս են գալիս սեփական մոր դեմ:
Իսկ սիրային ողբերգությունից գլուխը կորցրած Ալարիքը որոշում է հոգիներ պարունակող քարի միջոցով կենդանացնել հարսանիքի օրը սպանված կնոջը` Ջոին: Սակայն երանի ամեն ինչ այդքան հեշտ լիներ…
Ջոին Ալարիքը չի կարողանում վերադարձնել, բայց փոխարենը ուսուցչի կյանքում նոր հույս է հայտնվում, որին կենդանություն կարող է տալ միայն Քերոլայնը…
Սյունե Առաքելյան