Գարիկ Պապոյանը, Վահագն Գրիգորյանը, Վիկա Մարտիրոսյանը եւ այլք` Էրիկի մենահամերգին (ֆոտոռեպորտաժ)
11:01 29 նոյեմբերի, 2015Երեկ` նոյեմբերի 28-ին, Կարեն Դեմիրճյանի անվան մարզահամերգային համալիրում կայացավ երգիչ Էրիկի առաջին մենահամերգը: Այն անցավ լի դահլիճով, հայտնի հյուրերով եւ բուռն ծափահարություններով:
Սակայն մինչ այդ ամենը վայելելն ու իր կատարումները հանդիսատեսին նվիրելը, հուզված երգիչը մեզ հետ կիսվեց իր զգացողություններով.
«Տրամադրությունս շատ բարձր է: Ընկերներս կողքիս են, ամենակարեւորը, հանդիսատեսն ինձ հետ է: Իսկ երբ կա հանդիսատես, ամեն ինչ այլ է լինում: Միանշանակ, հուզմունք կա, որովհետեվ հիմա ինձ վրա մեծ պատասխանատվություն է դրված: Երաժիշտները շատ են, ծրագիրը` հագեցած: Այն ամենը, ինչ պատրաստել եմ մեկ տարվա ընթացքում, այսօր ներկայացնելու եմ երկու ժամում, բայց ուզում եմ, որ այդ ժամերը հիշարժան լինեն եւ հիշվեն երկար տարիներ»:
Արդեն բեմահարթակում Էրիկն իր մեջ կուտակված հույզերով եւ էմոցիաներով կիսվեց իր հանդիսատեսի եւ երկրպագուների հետ: Երգիչը համերգը սկսց «Առաջին սիրո երգը» կատարումով: Համերգի ընթացքում հնչեցին արդեն իսկ սիրված եւ նոր երգեր: Իսկ թե ինչ էր կատարվում ետնաբեմում եւ ովքեր էին եկել Էրիկի կատարումները վայելելու, կարող եք տեսնել լուսանկարներում:
Սյունե Առաքելյան
Լուսանկարները` Մելինե Տոնոյանի