Արդեն մի քանի օր է համացանցում մեծ իրարանցում է առաջացրել մի սադրիչ սոցիալական տեսահոլովակ, որը դիտել են ավելի քան երկու միլիոն անգամ:
Կենդանիների պաշտպանության PETA կազմակերպությունը սոցիալական տեսահոլովակ է հրապարակել՝ Last Longer անունով, որտեղ ցուցադրված է մսակերների ու բուսակերների սեքսի համեմատությունը:
Սադրիչ բովանդակությամբ տեսահոլովակը ուշադրություն է հրավիրում այն փաստի վրա, թե սթեյքերի սիրահարների սեքսի համեմատ ինչ որակյալ կարող է լինել բուսակերների սեքսը:
Տեսահոլովակում հայտնում են, որ մսակերները խոլեստերինի ավելցուկի պատճառով արյան ներհոսքի խնդիր են ունենում մարմնի տարբեր օրգաններում, ինչն էլ հենց կարող է էրեկտիլ դիսֆունկցիա առաջացնել:
Տեսահոլովակի հեղինակները նաեւ վստահեցնում են, որ բուսակերներն ավելի դիմացկուն են ու նվազ խոցելի սրտանոթային հիվանդությունների նկատմամբ, ինչը արտահայտվում է նաեւ սեքսի որակում:
Ի սկզբանե PETA –ն մտադիր էր այս տեսագրությունը ցուցադրել ամերիկյան ֆուտբոլի Super Bowl Սուպերգավաթի ժամանակ, սակայն առաջնության պաշտոնական գործընկեր CBS հեռուստաալիքը մերժել էր այդ առաջարկը: