Քանյե Ուեսթը փետրվարի 11-ին կներկայացնի իր ալբոմը: 38-ամյա ռեփ երգիչը շնորհակալություն է հայտնել աստծուն, մորը ու Ռոբերտ Քարդաշյանին իր ալբոմի ստեղծման համար:
Ինչպես գրում է People-ը, Քանյեն 92.3 radio ռադիոկայանի եթերում Big Boy–ի հաղորդման ժամանակ հայտնել է, որ նոր ալբոմը ստեղծելիս իրեն օգնել են գերագույն ուժերը:
«Այս ալբոմը երազանք է, որը չէր կարող իրականացվել առանց աստծու օգնության: Ես արել եմ աշխատանքի երկու տոկոսը, մնացածը երկնքի օգնությամբ է ստեղծվել: Ես շնորհակալ եմ աստծուն, իմ հանգուցյալ մայրիկին ու Քիմի հորը՝ Ռոբերտ Քարդաշյանին: Նրա՛նք են օգնել ինձ: Ռոբերտը շարունակում է այն աշխարհից օգնել աֆրոամերիկացիներին, ես զգում եմ նրա օգնությունը»:
Ի դեպ, Քանյեն նշել է, որ հավանաբար նորից կփոխի իր ալբոմի անվանումը: