Բրազիլիայի ավանդական դիմակահանդեսը՝ շքեղ լուսանկարներում
12:36 8 փետրվարի, 2016Բրազիլական դիմակահանդեսը մի քանի օր առաջ է մեկնարկել Ռիո դե Ժանեյրոյում:
Դիմակահանդեսը 4 օր ու 4 գիշեր է տեւում, ու մենք որոշել ենք մեկտեղել ու ձեզ ներկայացնել դիմակահանդեսային լուսանկարները:
Դիմակահանդեսային երթեր կազմակերպվում են Բրազիլիայի գրեթե բոլոր քաղաքներում, բայց ամենավառ ու տպավորիչ ներկայացումները կարելի է տեսնել հենց Ռիո դե Ժանեյրոյի «Մարկիզ դե Սապուկաի» մարզադաշտում: Այնտեղ սկսվել են մրցումներ սամբայի լավագույն դպրոցների միջեւ:
Դիմակահանդեսն ավանդաբար սկսվում է արարողությունից, որի ժամանակ Ռիո դե Ժանեյրոյի քաղաքապետը քաղաքի խորհրդանշական բանալիները փոխանցում է Մոմո թագավորին՝ տոնի տիրոջը, որի դերի համար սովորաբար ընտրում են որեւէ գեր ու բարձրահասակ տղամարդու:
Իսկ փետրվարի 13-ին կանցնի այսպես կոչված հաղթողների շքերթը՝ ժյուրիի ամենաբարձր գնահատականները ստացած վեց դպրոցները եւս մեկ անգամ կցուցադրեն իրենց տաղանդը:
Ընդ որում՝ տոնակատարությունների մասնակիցները փորձում են հանդիսատեսին ու ժյուրիին զարմացնել ոչ միայն պարերի վարպետությամբ, այլեւ հագուստի ու դեկորացիաների ճոխությամբ:
