Սուպերմոդելներ Ադրիանա Լիման, Քենդիս Սվեյնփոլը, Քարլի Քլոսը եւ այլոք՝ Garage-ի շապիկին
14:06 9 փետրվարի, 2016Սուպերմոդելներ Ադրիանա Լիման, Քենդիս Սվեյնփոլը, Քարլի Քլոսն ու այլ մոդելներ հայտնվել են կոմիքսների հերոսների դերերում՝ Garage ամսագրի շապիկի վրա: Garage ամսագիրն ու Marvel ընկերությունը միավորել են իրենց ուժերը, որպեսզի իրենց համատեղ համարում ցույց տան ժամանակակից կանանց տպավորիչ ներուժը: Garage-ի տասներորդ համարում շեշտադրված է ժամանակակից արվեստի աշխարհի բացությունն ու ժողովրդավարությունը: Այդ համարների վաճառքը կմեկնարկի Նյու Յորքում Նորաձեւության շաբաթվա հետ միասին, այսինքն մի քանի օրից:
Քարլի Քլոսը՝ Սեւ այրու դերում
Գեղեցկուհիները այդ շապիկների վրա ներկայանում են Marvel ընկերության ստեղծած կոմիքսների հանրահայտ հերոսների դերերում: Շապիկներից մեզ են նայում Սեւ այրին (Black Widow) , Սարդ- Կինը (Spider-Gwen), Տորը (Thor), Հալք կինը (She-Hulk) ու Կապիտան Մարվելը (Captain Marvel):
Քենդիս Սբեյնփոլը Կին Սարդի դերում
«Շատ կարեւոր է, որ երիտասարդ աղջիկները ուժեղ ու արժանի օրինակներ ունենան, որոնց ձգտեն նմանվել ՝ ահա թե ինչի մասին է այդ նախագիծը: Դերային մոդելները կարող են հայտնվել տարբեր ձեւերով ՝ որպես հորինված պերսոնաժներ, հաջողակ ձեռներեցներ կամ ուժեղ մարզիկներ »,- մեկնաբանել է նկարահանումները Քարլի Քլոսսը:
Ադրիանա Լիման՝ Կին Հալքի դերում
Կուբա Տորնադոն՝ Տորի դերում
Լեքսի Բոլինգը՝ Կապիտան Մարվելի կերպարով