«Իքս մարդիկ», «Մերժվածները», «Գերեվարվածները» ու «Կենդանի պողպատ» ֆիլմերի աստղ Հյու Ջեքմանն արդեն մի քանի տարի է բուժվում է բազալիոմայից՝մաշկի քաղցկեղի տարատեսակ, որը դերասանի քթի վրա է զարգացել: Այս մասին 47-ամյա դերասանը պատմել է իր Instagram–ում:
Դերասանը նաեւ հրապարակել է մի լուսանկար, որտեղ նրա քթին սպեղանի է փակցված:
«Ահա թե ինչ է պատահում, երբ չեք օգտվում արեւից պաշտպանող միջոցներից: Մաշկի քաղցկեղ: Բազալ-բջջային: Ուռուցքաբանության ամենթեթեւ տեսակը: Խնդրում եմ օգտագործե՛ք արեւից պաշտպանող քսուքներ»,- այսպես էր ստորագրել դերասանն իր լուսանկարը:
Նշենք, որ Ջեքմանը 2013 թ. մինչեւ այսօր հինգ վիրահատություն է տարել: