Քանյե Ուեսթի ցուցադրությունն ու Քլոե Քարդաշյանի ամուսին Լամար Օդոմի առաջին հայտնությունը

Նյու Յորքում նորաձեւության շաբաթը մեկնարկեց Քանյե Ուեսթի նոր հավաքածուի փառահեղ ցուցադրությունով ու մի շարք այլ իրադարձություններով, որոնցից են հենց շոուի ժամանակ 38-ամյա ռեփ երգչի ալբոմի շնորհանդեսը՝ Թեյլոր Սվիֆթի հետ սեքսի մասին երգի տողերով, շիկահեր դարձած Քիմ Քարդաշյանի ու ամենակարեւորը՝ Լամար Օդոմի հայտնությունը:

Ինչպես գիտեք՝ Քլոե Քարդաշյանի ամուսինը բուժում է անցնում Լոս Անջելեսում, սակայն Քանյե Ուեսթի ցուցադրության համար բասկետբոլիստը կնոջ հետ Նյու Յորք է ժամանել:

Ուեսթն անձամբ է Լամարին ուղեկցել դեպի իր տեղը: Մարզիկի հայտնությունը մեծ ոգեւորություն է առաջացրել նաեւ Մեդիսոն Սքուեր Գարդենում հավաքվածների շրջանում:

Աղբյուր՝ Daily Mail,TMZ

Լուսանկարներ՝ REX, Shutterstock, WWD, Getty, Splash, WireImage, Invision, AP