Նյու Յորքի Նորաձեւության շաբաթ. Polo Ralph Lauren-ի ցուցադրությունը, որին ներկա է եղել Իվետա Մուկուչյանը

Արդեն երկու օր է ամբողջ աշխարհի ուշադրության կենտրոնում Նյու Յորքն է։ Իհարկե, այդպես էլ պետք է լիներ, քանի որ այստեղ մեկնարկել է Նյու Յորքի Նորաձեւության շաբաթը, որն այս ոլորտում կարեւորագույն միջոցառումներից մեկն է։ Եվ եթե երեկ բոլորը խոսում էին Քանյե Ուեսթի շքեղ հավաքածուի ցուցադրությունից, որին ներկա էր նաեւ շիկահեր դարձած Քիմ Քարդաշյանը եւ Քարդաշյան-Ջեներ ընտանիքի մյուս անդամները, ապա այսօր բոլորն անհամբերությամբ սպասում են տեսնել աշխարհահռչակ դիզայներ Ռալֆ Լոուրենի Polo Ralph Lauren հագուստի ապրանքանիշի ցուցադրության լուսանկարները, որոնք արդեն հայտնվել են համացանցում եւ կարող ենք ներկայացնել ձեր դատին։

Ցուցադրությանը ներկա էր նաեւ 76-ամյա դիզայները։

Ռալֆ Լոուրենի նոր աշուն-ձմեռ 2016/17 հավաքածուն դասական եւ սպորտային ոճերի գեղեցիկ եւ ներդաշնակ համադրությունն է։ Հագուստները ցուցադրում եւ ընդգծում են կրողի անհատականությունն ու բարձր ճաշակը։

Had fun at Ralph Lauren ❤️ thanks @poloralphlauren ・・・ That's a wrap. Polo Fall '16 #NYFW #MeetMeAtPolo

Видео опубликовано Avdienko Daria (@daria_dashunya) Фев 12 2016 в 6:34 PST

Հավաքածուն այնքան յուրօրինակ է, որ դժվար է խոսել հյուրերի մասին, որոնց թվում էին երգչուհի Սիարան իր փեսացուի՝  26-ամյա ֆուտբոլիստ Ռասել Ուիլսոնի հետ, ինչպես նաեւ Եվրատեսիլ 2016-ի հայաստանյան պատվիրակ Իվետա Մուկուչյանը։

Ի դեպ, Իվետան հավաքածուի հագուստներով հիանալուց բացի, հասցրել է նաեւ լուսանկարվել Սիարայի հետ։

Պատրաստեց՝ Յանա

Լուսանկարները՝ Ռալֆ Լոուրենի՝ Facebook-յան եւ Իվետա Մուկուչյանի Instagram-ի պաշտոնական էջերից