Այսօր իր ծննդյան 42-ամյակն է նշում բրիտանացի երգիչ Ռոբի Ուիլյամսը:
Մի շարք հարցումների արդյունքում Ուիլյամսը ճանաչվել է ամենասիրված բրիտանացի երգիչը: Ուիլյամսը ստեղծագործում է փոփ, փոփ-ռոք եւ սոֆթ-ռոք ժանրերում:
Յուրահատուկ տեմբրի եւ օրիգինալ կատարումների համար Էլթոն Ջոնը երգչին անվանել է «21-րդ դարի Ֆրենկ Սինատրա»:
Չնայած ԱՄՆ-ում երգչի ալբոմներն այդքան էլ լավ չէին վաճառվում, Եվրոպայում դրանց վաճառքը հասել է 55 միլիոնի: Միայն Բրիտանիայում երգիչը վաճառել է ավելի քան 16 միլիոն ալբոմ:
Ռոբի Ուիլյամսը նաեւ համարվում է Լատինական Ամերիկայի «ամենալավ վաճառվող» երգիչը:
2010թ-ից Ուիլյամսը ամուսնացած է ամերիկացի դերասանուհի Աիդա Ֆիլդի հետ: Նրանք ունեն երկու երեխա:
Մամուլում երկար ժամանակ խոսակցություններ էին պտտվում այն մասին, թե երգիչը նույնասեռական է: Ռոբին դատի է տվել մամուլի այն բոլոր ներկայացուցիչներին, որոնք նման հայտարարություն էին տարածել: Ի վերջո, բրիտանական դատարանը այդ խոսակցությունները որակել է, որպես զրպարտություն:
Ռոբի Ուիլյամսի ծննդյան առթիվ առաջարկում ենք լսել նրա սիրված ստեղծագործություններից մի քանիսը:
Feel
Angels
Supreme
Eternity
Something Stupid/feat Nicole Kidman
Սյունե Առաքելյան