Այսօր սիրո միջազգային օրն է… Տոն, որը եւս մեկ անգամ արթնացնում է թանկ հուշեր` առաջին սեր, առաջին սիրո խոստովանություն, ինչո՞ւ ոչ` նաեւ առաջին հիասթափություն:
Երիտասարդ աղջիկների կողմից սիրված դերասան Բեն Ավետիսյանը եւս վերապրել է այս բոլոր զգացողությունները.
«Առաջին անգամ սիրահարվել եմ Ռուսաստանում: Սովորում էի առաջին դասարանում, իսկ նրա անունը Յուլիա էր, հենց կողքս էր նստում»,-իր հուշերով NEWS.am STYLE-ի հետ կիսվեց դերասանը, որի առաջին սիրո խոստովանությունը եղել է հասուն տարիքում.
«Սիրածս աղջկան միանգամից եմ ասել, որ սիրում եմ, երեւի նրա հետ ծանոթանալուց ութ օր հետո»:
Երիտասարդ դերասանը, սակայն, եւս զերծ չի մնացել սիրային հիասթափությունից.
«Հիասթափվել եմ դավաճանության պատճառով»,-ասում է Բենը` ավելացնելով.
«Ինձ համար ամեն վայրկյան սիրո տոն է, երբ գտնվում եմ սիրածս անձնավորության կողքին, բայց ասեմ, որ փետրվարի 14-ին միշտ մենակ եմ եղել…»:
Սյունե Առաքելյան
Լուսանկարները` Արսեն Սարգսյանի