Ի՞նչով է զբաղվում Լիդուշիկն ԱՄՆ-ում
14:28 18 փետրվարի, 2013Փոքրիկ երգչուհի Լիդուշիկն ԱՄՆ-ում է: Ֆեյսբուքի նրա էջում շարունակ հետաքրքիր նկարներ էին հայտնվում, եւ NEWS.am STYLE-ը որոշեց հետարքրվել, թե ի՞նչով է նա զբաղվում այնտեղ:
«Լիդուշիկն ԱՄՆ զբոսաշրջության չի մեկնել, այլ պատրաստվում է իր մենահամերգին: Այն կկայանա փետրվարի 24-ին, Լոս-Անջելեսի «Ալեքս» համերգային սրահում: Իսկ երեկոյի հատուկ հյուրը կլինի երգիչ Վլադիմիր Արզումանյանը, ով արդեն մի քանի ամիս է, ինչ ԱՄՆ-ում է», - պատմեց Լիդուշիկի մայրը:
Ըստ նրա, սկզբում, երբ երգչուհին տատիկի հետ մեկնում էր ԱՄՆ, նախատեսվում էր, որ նա ընդամենը մի քանի երգ կկատարի: Սակայն տեղում որոշվել է կրկնել նրա՝ Գյումրիի մենահամերգը:
