Չնայած այս գերպետության մեջ ապրում են 2.5միլիոն թմրամոլներ, 1.5 որբ երեխաներ, ռուս օլիգարխները կազմակերպում են շքեղ հարսանիքներ, իսկ Anews-ը որոշել է ներկայացնել ռուս աստղերի եւ «հասարակ մահկանացուների», վերջիններիս անունները կայքը չի հրապարակում, «ոսկե» բնակարանները: Եթե ցանկություն ունեք տեսնել նրանց, մեղմ ասած, անճաշակությունը, ուրեմն շարունակենք հոդվածը:
Հայտնի նկարիչ Նիկաս Սաֆրոնովի երեք հարկանի բնակարանը
Իր երազանքների տունը կառուցելու համար Նիկասից պահանջվել է ավելի քան 10 տարի: Մոսկվայում գտնվող այս բնակարանի վերանորոգման գործին «լծված» են եղել միանգամից մի քանի դիզայներ:
Բնակարանի առաջին երկու հարկը նորոգված է միջնադարյան ավանդույթներով, իսկ վերին հարկը՝ հայ-տեք ոճով:
Նկարիչը հատկապես մեծ ուշադրություն է դարձրել բնակարանի մորթյա եւ փայտյա հատվածներին: Ամբողջ կահույքը հնաոճ է:
Ի դեպ, հարցազրույցներից մեկում բնակարանի տերը նշել է, որ իր մահճակալներից մեկը ժամանակին պատկանել է Ֆրանսիայի թագուհի Մարիա Անտուանետային:
Բնակարանի առաջին հարկում նկարիչը ապրում է, երկրորդ հարկը նախատեսված է հյուրերի համար, իսկ երրորդը ծառայում է որպես արվեստանոց:
Անաստասիա Վոլոչկովայի երեք հարկանի ամրոցը
Անցյալ տարի ռուս բալետի պարուհին Մոսկվայից 13կմ հեռավորության վրա նոր առանձնատուն գնեց:
Բացի ննջասենյակներից եւ հյուրասենյակներից, պարուհին սեփական թատրոնն ունի տանը:
Անաստասիան տունը գնել է 3 միլիոն դոլարով:
Մեկ սենյականոց բնակարան՝ իտալական ոճով
Պարզվում է, որ նման շքեղ տներ ունեն ոչ միայն հայտնի դեմքերը, այլեւ սովորական քաղաքացիները: Օրինակ՝ 36մ2 տարածք ունեցող այս բնարականը գտնվում է Մոսկվայի արեւելքում:
Տան տերը երիտասարդ աղջնակ է, որն այն վերանորոգել է իտալական ոճով:
Նա իր հոր հետ է որոշել տան դիզայնը, գույնը, կահույքը եւ ալն: Բնակարանը վերածվել է ստուդիայի՝ իտալական թանգարանների շնչով:
Ոսկե բնակարան Մագադանում
Մագադանում նույնպես ոսկյա, շքեղ բնակարանների սիրահարներ կան: Տանը կարելի է տեսնել բազմաթիվ նկարներ, մեծ ծաղկամաններ, թանկարժեք ջահեր...
Մի խոսքով, տունը վերածվել է միջնադարյան ամրոցի:
XXI-րդ դարի մասին վկայում է միայն հեռուստացույցը, որը ոսկեզօծ շրջանակով է եզերված: