Դերասան Մկրտիչ Արզումանյանի բաց նամակը` ԵԱՀԿ-ին
20:44 14 ապրիլի, 2016Այս ամսվա սկզբին ադրբեջանական բանակի ագրեսիայի հետեւանքներն ու Լեռնային Ղարաբաղի սահմանին տիրող լարված իրավիճակը մինչ օրս անհանգտացնում են բոլոր հայերին: Այս ագրեսիան կանխելու նպատակով մի խումբ հայ մշակութային գործիչներ որոշել են հանդես գալ դիմում-նամակով` կոչ անելով միջազգային կառույցներին զսպել ադրբեջանական ագրեսիան եը ռասիզմը: Նախաձռնությունը մեկնարկվում է Մկրտիչ Արզումանյանը` Facebook-յան իր էջում հանդես գալով հետեւյալ կոչով.
«ԵԱՀԿ-ի հարգելի անդամներ,
Իմ անունը Մկրտիչ է, ես հայ եմ:
Լեռնային Ղարաբաղի իմ եղբայրներն ու քույրերը մոտ երկու տասնամյակ ապրել են խաղաղության մեջ:
Նրանք ստեղծել են դեմոկրատ ազգ, որով հպարտանում են:
12-ամյա Վաղինակը Լեռնային Ղարաբաղից էր (հայտնի է նաեւ, որպես Արցախ): Նա եւ նրա եղբայրը դպրոցի ճանապարհին էին, երբ տղան զոհվեց ադրբեջանական բանակի հրթիռահրետակոծության հետեւանքով: Նրա եղբայրն ու ընկերը ծանր վնասվածքներով տեղափոխվել են հիվանդանոց: Ոչ մի երեխա չպետք է զոհվի դպրոց գնալիս` ուսում եւ լավ ապագա ստանալու ճանապարհին: Ոչ մի բանակ իրավասու չէ սպանել անմեղ մարդկանց եւ ոչնչացնել նրանց բնակավայրերը, դպրոցներն ու գյուղերը: Ադրբեջանական բանակը պատերազմական հանցագործություններ է գործում` տարածելով ռասսայական եւ կրոնական ատելություն եւ թշնամանք: Սա, միանշանակ, անընդունելի է: Ես մեծապես դատապարտում եմ Ադրբեջանի իշխանությունների հանցագործ քայլերը եւ խնդրում եմ, որ կանգնեցնեք Ալիեւին եւ ասեք ոչ ռասիզմին:
#SayNoToRacism #StopAliyev
Հարգանքներով` Մկրտիչ Արզումանյան` դերասան»