Տատիկը 91-ամյա հոբելյանը նշել է օդում
16:38 20 ապրիլի, 2016Ավստրալուհի Մարգարեթ Ուոլթոնը որոշել է իր 91-ամյակը յուրահատուկ ձեւով նշել։ Թոշակառու կինը, հաշվի չառնելով բժշկի կարծիքը, հենց ծննդյան օրն իրականացրել է վերջին տարիների իր երանզանքը՝ 360մ բարձրությունից պարաշյուտային թռիչք կատարել եւ հենց երկնքում ճախրելով նշել տարեդարձը։
Նախկինում ընդունարանի աշխատակցուհի Մարգարեթը կիսվել է իր անմոռանալի տպավորություններով.
«Ես դեռ օդում եմ։ Դա մի կախարդական զգացողություն էր։ Մեկ ակնթարթում կարող ես տեսնել ամեն ինչ։ Ես այնքան ուրախ եմ, որ արեցի դա»,- ասել է երջանիկ տատիկը։
Թոշակառու Ուոլթոնը նաեւ նշել է, որ բոլորն ապշել են՝ տեսնելով, որ իրենց հետ օդանավ է բարձրանում 91-ամյա կինը։ Ուղեկցողն անգամ խնդրել է լուսանկարվել տատիկի հետ, քանի որ սա իսկապես ուշագրավ դեպք է։
«45 վայրկյանում նա լիովին վայելեց թռիչքը»,- ասել է պարաշյուտային սպորտի հրահանգիչ Ուայն Բիշոփը։
Պատրաստեց՝ Յանա
Աղբյուրը՝ Daily mail