Լեգենդար երաժիշտ, աշխարհահռչակ շանսոնյե Շառլ Ազնավուրը, որը Հայոց ցեղասպանության 101-րդ տարելիցին նվիրված միջոցառումներին մասնակցելու նպատակով այս օրերին Հայաստանում է, այցելել է «Թումո» ստեղծարար տեխնոլոգիաների կենտրոն։ Այս մասին տեղեկանում ենք «Թումոյի» Twitter-ի պաշտոնական էջից։
Սիրված արտիստը հանդիպել է հայ երիտասարդների, ինչպես նաեւ «Թումոյի» դասախոսական կազմի հետ, ծանոթացել կենտրոնի պայմաններին, հնարավորություններին եւ կրթական ծրագրերին։
Կենտրոնի սաները լեգենդար հյուրի համար երգել են «Արի իմ սոխակ» օրորոցայինը:
The Master listening to some beautiful music courtesy of TUMO's Tmba Ta. #CharlesAznavour pic.twitter.com/Jfber70U8f
— TUMO / ԹՈՒՄՈ (@tumocenter) 26 апреля 2016 г.
Հիշեցնենք, որ օրեր առաջ Հայաստան այցելած Ջորջ Քլունին նույնպես եղել էր «Թումո»-ում եւ տեղեկացել, թե ինչ գործունեությամբ են զբաղվում կենտրոնում։