Britain’s got talent-ի հաղթողը ներողություն է խնդրել British Airways-ից՝ օդանավակայանում տեսարան սարքելու համար
13:33 29 ապրիլի, 2016Երգչուհուն հոսպիտալացրել էին լոնդոնյան օդանավակայանից ...
Մի քանի օր առաջ Britain’s got talent–ի հաղթող Սյուզան Բոյլին հոսպիտալացրել էին Լոնդոնի Հիթրոու օդանավակայանից:
55-ամյա շոտլանդացի երգչուհին ինքնազգացողությունը վատացել էր գրանցման ժամանակ: Միջադեպի ականատեսները պատմել են, որ Բոյլը սարսափելի դիմադրում էր, երբ ավիաընկերության աշխատակիցները ոստիկանների հետ փորձում էին նրան հիվանդանոց տեղափոխել:
Երեկ երեկոյան երգչուհին ներողություն է խնդրել օդանավակայանում իր պահվածքի համար:
«Միջադեպը տեղի է ունեցել Ասպերգերի համախտանիշի (աուտիզմի թեթեւ տեսակը) պատճառով, որով տառապում է երգչուհին: Սյուզանը շարունակում է երաժշտությամբ ու իր կարիերայով զբաղվել, նրան շատ է խանգարում այս հիվանդությունը, բայց նա ներողություն է խնդրում»,- ասել է երգչուհու ներկայացուցիչը: