Երեկ` ապրիլի 29-ին կայացած մամուլի ասուլիսի ժամանակ «Եվրատեսիլ-2016»-ի հայաստանյան մասնակից Իվետա Մուկուչյանը նշել էր, որ շուտով հանդես է գալու LoveWave երգի նոր cover տարբերակով: Եվ ահա, այն այսօր արդեն ներկայացվել է հանրության ուշադրությանը:
Էթնիկ մոտեցմամբ, ջազ-ռոքային էլեմենտներով cover-ն իրականացվել է «Միքայել Ոսկանյան եւ ընկերներ» բենդի եւ Իվետա Մուկուչյանի համատեղ աշխատանքի արդյունքում:
«Երբ լսեցինք երգը, կասկածներ ունեինք, թե ինչպես կարելի է նոր տարբերակ ստանալ, բայց որոշ ժամանակ անց, փորձերի ընթացքում որոշեցինք այնպես կառուցել երգի սխեման, որ լինի տարբերվող, սակայն նաեւ հիշեցնի երգի օրիգինալ տարբերակը»,- նշել է Միքայել Ոսկանյանը:
Իվետայի եվրատեսիլյան երգի նոր կատարումն ու աշխատանքային պրոցեսի լուսանկարները ներկայացնում ենք ձեր ուշադրությանը: