Met Gala 2016-ի ամենահմայիչ եւ ներդաշնակ զույգերը
10:50 3 մայիսի, 2016Նյու Յորքի «Մետրոպոլիտեն» թանգարանում մեկնարկել է Կոստյումի ինստիտուտի պարահանդես 2016–ը, որը հայտնի է որպես Met Gala: Այն ամենամյա կազմակերպվող շքեղ միջացառում է, որին մասնակցում են միայն ամենահայտնիները, ամենապահանջվածները, ամենասիրվածները, մի խոսքով՝ ամենա-ամենաները։ Պարահանդեսը յուրաքանչյուր տարի ունի իր թեման (այս անգամ պարահանդեսի թեման էր «Ձեռքն ու մեքենան. նորաձեւությունը ժամանակակից տեխնոլոգիաների դարաշրջանում») եւ կազմված է երկու մասից՝ կոկտեյլային եւ ճաշի ժամ։ Առաջինի ընթացքում հանրահայտ դեմքերը անցնում են կարմիր գորգով, լուսանկարվում, ցուցադրում իրենց յուրօրինակ, անկրկնելի զգեստները՝ աշխարհահռչակ նորաձեւության տներից, կարճ հարցազրույցներ տալիս։ Եվ այս պերճաշուք արարողությունից հետո հյուրերը հրավիրվում են ճաշի։
Բնականաբար այս կարեւոր, շքեղ իրադարձությունը չէին կարող բաց թողնել Քիմ Քարդաշյանն ու Քանյե Ուեսթը, Մադոննան, Քրիս, Քայլի եւ Քենդալ Ջենները, Լեդի Գագան եւ այլ աստղեր: Աննա Վինտուրի հետ միասին հյուրերին դիմավորում էր Թեյլոր Սվիֆթը: Թե ինչ տեսքով են փայլել նշված աստղերը կարմիր գորգով անցնելիս, արդեն անդրադարձել ենք, իսկ այժմ առանձնացնենք լավագույն զույգերին։
Met Gala 2016-ի ամենասպասված զույգերից էին Բեյոնսեն ու Ջեյ Զին, եւ Քիմ Քարդաշյանն ու Քանյե Ուեսթը։ Բայց քանի որ Բեյոնսեն եկել էր մենակ՝ բորբոքելով ընտանեկան խնդիրների մասին լուրերը (լուրեր են տարածվել, որ ռեփերը դավաճանում է փոփ-դիվային), ապա միանգամից բոլորի ուշադրության կենտրոնում հայտնվում են Քիմ Քարդաշյանն ու Քանյե Ուեսթը։
Իրենց հմայքով եւ շլացնող տեսքով հետ չէին մնում նաեւ Ջեյսոն Սթեթհեմ ու Ռոզի Հանթինգթոն-Ուայթլի, The Weeknd եւ Բելլա Հադիդ, Զեյն Մալիկ ու Ջիջի Հադիդ, Նիկոլ Քիդման եւ Կիթ Ուրբան, Զոյի Սալդանա եւ Մարկո Պերեգո զույգերը։
Ջեյսոն Սթեթհեմ ու Ռոզի Հանթինգթոն-Ուայթլի
Զեյն Մալիկ եւ Ջիջի Հադիդ
The Weeknd եւ Բելլա Հադիդ
Նիկոլ Քիդման եւ Կիթ Ուրբան
Զոյի Սալդանա եւ Մարկո Պերեգո
Պատարստեց՝ Յանա
Լուսանկարները՝ GETTY