Մայրիկ, ես եմ ուզում քո զգեստը. Նորթ Ուեսթը՝ Met Gala-ին Քիմ Քարդաշյանի շքեղ զգեստի մասին

12:22   3 մայիսի, 2016

Նյու Յորքի «Մետրոպոլիտեն» թանգարանում կայացել է Կոստյումի ինստիտուտի պարահանդեսը, որը հայտնի է որպես Met Gala: Այն ամենամյա կազմակերպվող շքեղ միջացառում է, որին մասնակցում են միայն ամենահայտնիները, ամենապահանջվածները, ամենասիրվածները, մի խոսքով՝ ամենա-ամենաները։ Պարահանդեսը կազմված է երկու մասից՝ կոկտեյլային եւ ճաշի ժամ։ Առաջինի ընթացքում հանրահայտ դեմքերը անցնում են կարմիր գորգով, լուսանկարվում, ցուցադրում իրենց յուրօրինակ, անկրկնելի զգեստները՝ աշխարհահռչակ նորաձեւության տներից, կարճ հարցազրույցներ տալիս։ Vogue-ի նախկին խմբագիր Անդրե Լեոն Թելիին հենց զբաղված էր հարցազրույցներ վարելով, եւ գրեթե բոլոր հայտնիները մոտենում էին 66-ամյա Անդրեին եւ հակիրճ պատասխանում նրա հարցերին։

Քիմ Քարդաշյանը՝ Balmain զգեստով 

Անդրեի «թակարդն» են ընկել նաեւ Քիմ Քարդաշյանն ու Քանյե Ուեսթը, որոնք սկզբում պատմեցին, թե ինչու էին մեկնել Իսլանդիա (Քանյեն այնտեղ նոր տեսահոլովակ է նկարահանել) եւ ինչ տպավորություններ են ստացել։ Այնուհետեւ Թելին հետաքրքվում է աստղային զույգի երեխաներից։ 35-ամյա հայուհին նշում է, որ փոքրիկ Սեյնթն իրեն լավ է զգում, իսկ Նորթը մայրիկի զգեստը տեսնելուն պես սկսել է լաց լինել եւ ասել. «Մայրիկ, ես եմ ուզում քո զգեստը»։

Ի դեպ, մեր ուշադրությունը գրավեց եւս մեկ, շատ կարեւոր ակնթարթ։ Անդրեն երեխաների մասին հարցնելիս նշում է՝ ինչպես է «իմ սիրելի Նորթը», ինչին Քանյեն առարկում է՝ ասելով. «Ի՛մ սիրելի»։

Պատրաստեց՝ Յանա

Տեսանյութը՝ Vogue



© NEWS.am STYLE