Ադելը նշում է ծննդյան տարեդարձը. Երգչուհու TOP 5 լավագույն հիթերը
14:35 5 մայիսի, 2016«Նոր Էմմի Ուայնհաուս»` այսպես են երաժշտական քննադատները կոչում Ադելին, որն այսօր տոնում է ծննդյան տարեդարձը: Բրիտանացի երգչուհին դառնում է 28 տարեկան:
Չնայած երիտասարդ տարիքին` Ադելն արդեն հասցրել է երաժշտասերներին մատուցել բազմաթիվ հիթեր եւ արժանանալ ոլորտի ամենահեղինակավոր մրցանակներին: Նրա պարգեւների ցանկում են` «Գրեմմիի» տասը, Brit Awards-ի ինը, ինչպես նաեւ «Ոսկե գլոբուսի» եւ «Օսկարի» մեկական մրցանակներ:
Ադելի հիթերը շաբաթներ շարունակ գլխավորել են համաշխարհային հիթ շքերթների առաջատար հորիզոնականները: Այս առումով երգչուհին ռեկորդակիր է: Նրա հաջողությունը գրանցված է «Գինեսի» ռեկորդների գրքում:
Ադելի ծննդյան օրը հրաշալի առիթ է նրա հիթերից մի քանիսը վայելելու համար: Չէ՞ որ, լավ երաժշտությունը դեռ ոչ մեկին չի խանգարել.
Set Fire to the Rain
Skyfall
Rolling in the Deep
Someone Like You
Hello
Սյունե Առաքելյան