Ջոդի Ֆոսթերը աստղ է ստացել հոլիվուդյան Փառքի ծառուղում: Daily Mail-ը գրում է, որ դերասանուհուն այս կապակցությամբ շնորհավորելու էր եկել Դեւիդ Ֆինչերի «Վախի սենյակ» սարսափ ֆիլմում նրա խաղընկերուհի Քրիստեն Սթյուարտը:
53-ամյա դերասանուհին լուսանկարվել է իր աստղի մոտ ու գրկախառնվել Քրիսթենի հետ, որը իր խոսքում հետեւյալն էր ասել:
«Ջոդի Ֆոսթերը իմ սիրելի դերասանուհին էր մինչեւ իմ 10 տարեկան դառնալս, ու ես եկա «Վախի սենյակ» ֆիլմի քասթինգի, որտեղ կատարեցի նրա դստեր դերը,- հումորով սկսել է Քրիսթենը,- Ջոդին հրաշալի մարդ է, հոգատար բոլորի նկատմամբ: Նա հակապատկերն է այն դերասանուհիների, որոնք միայն իրենց մասին են մտածում»,- ասել է դերասանուհին:
Լուսանկարները՝ Invision, AP