Ջեյմս Քորդենի «Ավտոմոբիլային կարաոկե» շոուն միանշանակ այս տարվա ամենահանրահայտ շոուն է: Հաղորդավարին, որը աշխատանքի գնալու ճանապարհին իր մեքենայով շրջում է աստղերի հետ, արդեն հյուրընկալվել են Ջենիֆեր Լոպեսը, Էլթոն Ջոնը, Սիան, Ջասթին Բիբերը ու Ադելը եւ այլ աստղեր։
Եվ մինչ շոուի երկրպագուները պարզապես պահանջում են, որ հաղորդմանը հյուրը լինի Բեյոնսեն՝ Ջեյմսն իր մեքենայով շրջել է Գվեն Ստեֆանիի, Ջուլիա Ռոբերթի եւ Ջորջ Քլունիի հետ:
Գվենն ու Ջեյմսը կատարել են երգչուհու Rich Girl եւ Don't Speak երգերը: Իսկ հետո նրանց միացել են նաեւ Ջորջն ու Ջուլիան: Սկզբում նրանք կատարել են Ստեֆանիի Hollaback Girl երգը, իսկ հետո Queen խմբի We Are the Champions երգով ավարտել իրենց ելույթը: