Քլոե Քարդաշյանի հանգիստը Կուբայում

Եվ այսպես, այսօր Կուբա է մեկնել Քարդաշյանների ընտանիքը՝ Քիմը, Քանյեն, Նորթը, Քլոեն, Քորթնին եւ Մեյսոնը (Քորթնիի որդին)։

Ընտանիքն այնտեղ նոր ռեալիթի շոու է նկարահանելու, իսկ մինչ այդ պապարացիները «բռնացրել» են աստղերին ռոմի թանգարան այցելելիս։

Քիմը եւ մյուսները հետո երեւացել են San Cristobal Paladar ռեստորանում, որտեղ, ի թիվս այլ բաների, աստղերը լուսանկարվել են կուբայական սիգարներով։

Ուշադրություն դարձնենք Քլոեին, որը զարմուհու՝ Նորթի հետ էր։

Իսկ ավելի ուշ նա իր միկրոբլոգում Հավանայում իր զբոսանքից լուսանկար եւ տեսանյութ էր հրապարակել։ Նշենք, որ երեկ Հավանայում Ժիզել Բունդհենի եւ Վին Դիզելի ներկայությամբ կայացավ Chanel-ի ցուցադրությունը, որը ներկայացրել էր ապրանքանիշի ստեղծագործական տնօրեն Կառլ Լագերֆելդը։

Աղբյուրը՝  Daily Mail

Լուսանկարները՝  AP-ի, AFP-ի, Instagram-ի, Invasion-ի, Getty-ի