Բրեդ Փիթը Կանարյան կղզիներում մի աղջկա է փրկել երկրպագուների ամբոխից, գրում է Just Jared-ը:
52-ամյա դերասանը նկարահանվում է Ռոբերտ Զեմեքիսի Allied («Լռության հինգ վայրկյան») նոր ֆիլմում ու նկարահանման օրվա ավարտից հետո իսպանացի երկրպագուները շրջափակել էին այն տարածքը, որտեղ աշխատում էին կինեմատոգրաֆիստները: Դերասանը դուրս էր եկել ողջունելու երկրպագուներին, որոնք նույնիսկ չեն նկատել, թե ինչպես են ճնշում ու ցավացնում մի փոքրիկ աղջկա, որը պատնեշի մոտ էր կանգնած:
Դերասանն ու նրա երկու թիկնապահները առանց կաշկանդվելու երեխային հանել են ամբոխի միջից:
Ավելի ուշ օգնության են հասել նաեւ բժիշկները։ Բարեբախտաբար ոչ մեկը լուրջ վնասվածք չէր ստացել: