Երեկ հղի Բլեք Չայնային տեսել էին Լոս Անջելեսում գեղեցկության սրահում։ Դե իսկ հետո սոցիալական մեդիան իր գործն արեց, քանի որ Ռոբ Քարդաշյանի եւ Բլեք Չայնայի երեխան արդեն ընտանեկան բիզնեսի մեջ է եւ իր առաջին քայլերն է անում համացանցում։
Չայնան հրապարակել է ՈՒՁՀ-ի լուսանկարն ու Instagram–ում մի ամբողջ ճառ գրել՝ նվիրված իրեն, երեխային ու Ռոբին:
«Երկար ժամանակ ես կարծում էի, որ ինձ պետք չէ սեր, քանի որ որդիս ՝ Քինգը, այն ամենն է, ինչ ինձ պետք է: Բայց Աստված այլ կերպ տնօրինեց իմ ճակատագիրը: Նայեք, ես նշանված եմ ու ամուսնանում եմ աշխարհի ամենահրաշալի մարդու հետ, որը սիրում է ինձ ու որդուս: Մենք երեխա ենք ունենալու: Ես ուզում եմ բոլորիդ ասել՝ երբեք մի հանձնվեք»,- ստորագրել է լուսանկարը Չայնան:
Հիշեցնենք, որ Բլեքն ու Ռոբը մտադիր են ամուսնանալ այս ամռան վերջին որեւէ արեւադարձային կղզում: Հանդիսությունը նկարահանվելու է եւ ցուցադրվելու զույգի ռեալիթի շոուում: