Հոլիվուդը Քիմ Քարդաշյանին 100 մլն դոլար է առաջարկում նրա ռեալիթի շոուն ֆիլմի վերածելու համար
15:02 25 մայիսի, 2016Ջեք փոթ. Keeping Up With The Kardashians ռիելիթի շոուն կարող է կինոժապավեն դառնալ:
Հոլիվուդը Քիմ Քարդաշյանին 100 մլն դոլար է առաջարկում Քարդաշյան-Ջեններ գերդաստանի ռեալիթի շոուն ֆիլմի վերածելու համար։
Ենթադրվում է, որ ֆիլմը կնկարահանեն Նյու Յորքում կամ Լոս Անջելեսում։
«Քարդաշյանների գերդաստանը» գրքի հեղինակ Յան Ալպերինը վստահեցնում է, որ հոլիվուդյան ստուդիաներից մեկը մտադիր է այդ ընտանիքի մասին ֆիլմ նկարահանել:
«Նրանք ուզում են, որ ֆիլմում նկարահանվի Քարդաշյանների ամբողջ ընտանիքը: Ըստ ստուդիայի կատարած հետազոտությունների՝ Քարդաշյանների ընտանիքը կարող է դառնալ հեռուստաշոուի պատմության մեջ ամենաեկամտաբեր նախագիծը, որը ֆիլմի է վերածվել»,- պարզաբանում է գրողը:
Նշում են, որ Sex And The City հեռուստաշոուն համարվում է պատմության մեջ ամենաեկամտաբեր շոուն, որի հիման վրա լիամետրաժ կինոժապավեն են նկարահանել. վերջինը հեղինակներին 500 մլն դոլարի եկամուտ է բերել:
Յանը նշում է, որ Քարդաշյանների շոուն շատ ավելի մեծ եկամուտ կապահովի:
Աղբյուր՝ Daily Mail