Բարի գալուստ ընտանիք. Ռոբ Քարդաշյանի ընկերուհին կնկարահանվի Keeping Up With The Kardashians ռեալիթի շոուում
11:32 26 մայիսի, 2016Ռոբ Քարդաշյանի ընկերուհի Բլեք Չայնան կնկարահանվի Keeping Up With The Kardashians ռիելիթի շոուում: 28-ամյա պարուհուն տեսել են քալիֆորնիական ստուդիա մտնելիս, որտեղ նկարահանվում է Քարդաշյան-Ջեններ գերդաստանի ռեալիթի շոուն:
Ռոբ Քարդաշյանի ապագա կինը ստուդիա էր եկել ոչ թե մենակ, այլ երեք տարեկան որդու ՝ Քինգ Քահիրոյի հետ:
Նշենք, որ Չայնան արդեն մի քանի անգամ մասնակցել է շոուին 2014-ին, երբ դեռ Քիմի ընկերուհին էր: Այդ ժամանակ Չայնային երկխոսության համար նույնիսկ երկու բառ բաժին չէր հասել, աղջիկը պարզապես Քիմին ցույց էր տալիս, թե ինչպես է պետք պարել ձողի վրա:
Հիմա ըստ երեւույթին Քիմը Չայնային ավելի շատ եթերային ժամանակ կտրամադրի, չէ՞ որ նա ի վերջո Ռոբ Քարդաշյանի ապագա երեխայի մայրն է:
Հիշեցնենք, որ Չայնան ու Ռոբը մտադիր են ամուսնանալ այս ամռան վերջին որեւէ արեւադարձային կղզում: Հանդիսությունը նկարահանվելու է զույգի ռեալիթի շոուի համար:
Աղբյուրը՝ Daily Mail
Լուսանկարներ՝ X17Online, AKM-GSI, Xposure