Մեգահանրահայտ դարձած 28-ամյա plus-size մոդել Էշլի Գրեմը լողազգեստների Swimsuitsforall հավաքածու է ստեղծել ճոխ կազմվածքով կանանց համար: Նոր հավաքածուի լողազգեստները արդեն հայտնվել են վաճառքում:
Գները սկսվում են 79 դոլարից ու հասնում 398 դոլարի:
Elle-ը գրում է, որ Էշլի Գրեմի հավաքածուի մեջ կան թե վառ բաց բիկինիներ, թե ավելի համեստ տարբերակներով լողազգեստներ:
Նշենք, որ Էշլի Գրեմը հանրահայտ է դարձել Sports Illustrated ամսագրի համար նկարահանվելուց հետո: Լողազգեստների հավաքածուից բացի մոդելը նաեւ պայմանագիր է կնքել Dressbarn ընկերության հետ, որի համար մտադիր է զգեստների հավաքածու ստեղծել:
Էշլին համագործակցում է նաեւ Addition Elle ապրանքանիշի հետ, որի ղեկավարությամբ ստեղծում է ներքնազգեստի դիզայն: