Քլոե Քարդաշյանը երկրորդ անգամ է ապահարզան պահանջել Լամար Օդոմից
12:04 27 մայիսի, 2016Ամուսնալուծության «նորաձեւությանը» միացել է Քլոե Քարդաշյանը: Երեկ 15 ամսվա ամուսնական կյանքից հետո իր ամուսնուց՝ Ջոնի Դեպից, բաժանվելու մասին հայտնել էր Էմբեր Հերդը:
Նրա օրինակին է հետեւել նաեւ Քիմ Քարդաշյանի քույրը, որը Լամար Օդոմից բաժանվելու դիմումն արդեն ներկայացրել էր, սակայն երբ ամուսինները պետք է ապահարզանի հարցերով զբաղվեին՝ Լամարը մարմնավաճառների ու թմրադեղերի հետ «կրքոտ» երեկույթից հետո կոմայի մեջ էր ընկել:
Հիմա Լամարը ուշքի է եկել, նորից սկսել է խմել, չնայած բժիշկները արգելում են: Եվ ըստ երեւույթին հենց դա էլ վերջնականապես սպանել է Քլոեի հույսը՝ վերականգնել Լամարի հետ հարաբերությունները:
TMZ-ը հայտնում է, որ Քլոեն ապահարզանի համար իր դիմումը պաշտոնապես պատճառաբանել է նույն «անհաշտելի տարաձայնություններով»: Երկու կողմերն էլ դեռ պայմանավորվում են, ու ըստ Քալիֆորնիայի օրենքների ապահարզանը կարող է ձեւակերպվել դիմումը ներկայացնելուց միայն վեց ամիս հետո
Պորտալի աղբյուրները հայտնում են, որ ամուսնալուծության մասին որոշումը փոխադարձ է: Քլոեն ու Լամարը ընկերական հարաբերություններ են պահպանում: