Մայրը մնում է Մայր, ինչ վիճակում էլ հայտնվի։
Նոր Զելանդիայում ավտովթարի հետեւանքով լուրջ վնասված տիկին Բեթը հայտնվել է ամենահայտնի պարբերականների առաջին էջերին։ Նախ տեղական մամուլում հայտնվել է ավտովթարի մասին լուրը, քանի որ մեքենայի մեջ է եղել նաեւ կնոջ երկու ամսական դուստրը։
Սակայն եթե պատմությունը այսքանով ավարտվեր, այն հաստատ չէր հայտնվի համաշխարհային պարբերականների ուշադրության կենտրոնում։ Բայց բոլորին հուզել է հոգատար մայրիկի արարքը։ Պարանոցի լուրջ վնասվածք ստացած կինը 4 ժամ հրաժարվել է ցավազրկող ընդունել, որպեսզի կերակրի եւ հանգստացնի դստերը։
«Բարեբախտաբար, ավտովթարի ժամանակ Ինդին (դուստրը) քնած է եղել եւ սկսել է լաց լինել միայն այն ժամանակ, երբ եկել ու մեզ դուրս են բերել մեքենայից։ Ես պարզապես ցանկացա հանգստացնել նրան»,-պատմել է երիտասարդ մայրիկը։
Իր այս արարքով Բեթը բոլոր կերակրող մայրերին կոչ է անում, որ ուր էլ լինեն, ինչ պայմաններում էլ հայտնվեն, երեխային կրծքով կերակրեն։
Այս հուզիչ ակնթարթը ֆիքսել է բուժքույրերից մեկը։ Լուսանկարն արդեն տարածվել է ամբողջ համացանցում։
Պատրաստեց՝ Յանա
Աղբյուր՝ Daily Mail