Հայուհիները՝ ամենասեքսուալ կանանց եռյակում ըստ ամերիկացի տղամարդկանց

12:04   23 հունիսի, 2016

Երեկ լեգենդար ռոք երաժիշտ Իգգի Փոփը հայտարարել է, որ Քիմ Քարդաշյանը իսկական հայ գեղեցկուհի է եւ շատ օգտակար է Հայաստանի համար, եւ ահա ապացույցը։

MissTravel.com կայքը, որտեղ կանայք եւ տղամարդիկ իրենց ճանապարհորդության համար զուգընկեր են փնտրում, իրականացրել է իր ամենամյա հարցումը՝ պարզելու թե որոնք են ամենասեքսուալ ազգերը կայքի այցելուների կարծիքով։

Ըստ հարցմանը մասնակցած  41000 տղամարդկանց՝ ամենասեքսուալ կանայք համարվում են ամերիկուհիները, որոնց հաջորդում են հայուհիները. Քիմ Քարդաշյանն այստեղ էլ իր հետքն է թողել։ Լավագույն եռյակը եզրափակում են կանադուհիները։

Իսկ կայքի այցելուների 49000 կանանց կարծիքով՝ ամենասեքսուալ տղամարդիկ կանադացիներն են (հավանաբար այստեղ էլ իր ազդեցություն ունի Ջասթին Բիբերը կամ երիտասարդ վարչապետ Ջասթին Թրադեուն), որոնց հաջորդում են ամերիկացիները եւ ավստրալացիները։

Արդյունքում կայքը եկել է այն եզրակացության, որ եթե ցանկանում եք գնալ հանգստի եւ արեւը, ծովն ու ավազը վայելելուց բացի կրքոտ արձակուրդային սիրավեպ սկսեք, ուրեմն ընտրեք կանադացիներին, ավստրալացիներին եւ հայուհիներին։ Իսկ բրիտանացիների, իտալացիների եւ պակիստանցիների հետ հավանաբար ժամանակը կանցկացնեք շատախոսելով։

Իսկ NEWS.am STYLE-ն արեց հետեւյալ եզրակացությունը։ Ամերիկահայ միլիոնատեր Դեն Բիլզերյանը պետք է PR մասնագետների պրոֆեսիոնալ թիմ հավաքի, որպեսզի նաեւ հայտնվենք ամենասեքսուալ տղամարդկանց ցուցակում։

 

 

Պատրաստեց՝ Յանա

Աղբյուրը` Daily Mail



© NEWS.am STYLE