Ինչո՞ւ Էթերի Ոսկանյանին չենք տեսնում «Երանի» հեռուստասերիալում. պարզաբանում է դերասանուհին
12:26 27 հունիսի, 2016Տեւական ժամանակ է, ինչ «Երանի» հեռուստասերիալի երկրպագուներին հետաքրքրում է` որտե՞ղ է իրենց սիրելի հերոսուհիներից մեկը` Լիլիթը:
Հարցի պատասխանը որոշեցինք պարզել Լիլիթին ամենամոտ գտնվող աղբյուրից` նրան մարմնավորող դերասանուհի Էթերի Ոսկանյանից, որը չցանկացավ բացահայտել շատ մանրամասներ, սակայն շտապեց ուրախացնել հեռուստասերիալի երկրպագուներին.
«Այս պահին միայն կարող եմ ասել, որ ինձ շուտով կրկին կտեսնեք «Երանի» հեռուստասերիալում…»:
Էթերիից հետաքրքրվեցինք` արդյո՞ք այս շրջանում հեռուստասերիալում չնկարահանվելը պայմանավորված է ստեղծագործական այլ նորություններով, ինչին ի պատասխան դերասանուհին նշեց.
«Այո
Երկու նոր գեղարվեստական ֆիլմում եմ նկարահանվել` հայկական եւ արտասահմանյան, բայց այսքանից ավել ոչինչ հիմա չեմ կարող ասել»:
Դե ինչ, հուսով ենք` կարողացանք գաղտնապահ դերասանուհուց կորզել «Երանի» հեռուստասերիալի երկրպաուներին այս շրջանում ամենից շատ հուզող հարցի պատասխանը
Սյունե Առաքելյան
Լուսանկարները` Էթերի Ոսկանյանի Facebook-ի էջից