Հունիսի 24-ից հայտնի երգչուհի Լիլիթ Հովհաննիսյանը համերգային շրջագայությունների էր մեկնել Եվրոպա։ Լիլիթն իր համերգային ծրագիրը պետք է ներկայացներ Լիոնում, Բարսելոնում, իսկ վերջին կանգառը Վիեննայում էր։
Երգչուհին մենահամերգից հետո որոշել է պտտվել հեքիաթային Վիեննայում եւ լուսանկարվել քաղաքի կենտրոնական հատվածում գտնվող Շտեֆանպլաց հրապարակում, որտեղ անհնար է չհիանալ Սուրբ Ստեֆանի Մայր տաճարի տպավորիչ գեղեցկությամբ։
Հիշեցնենք, որ ավելի վաղ ոճային փոփոխությունների սիրահար երգչուհին Facebook-ում հրապարակել էր լուսանկար, որում նա Բարսելոնի Սուրբ Սրտի տաճարի առջեւ է։