Բելառուսից հայտնի լուսանկարչուհի Յանա Մուզարվեկը, որն այժմ բնակվում է ԱՄՆ-ում, ազդեցիկ ֆոտոշարք է իրականացրել, որը հայտնվել է համաշխարհային պարբերականների էջերին։ Լուսանկարչուհու համար ներշնչանքի աղբյուր է դարձել սեռական բռնության ենթարկված մի կնոջ դատական գործ։ Սթենֆորդի համալսարանի 20-ամյա ուսանողը հարբած եւ անգիտակից վիճակում կնոջը սեռական բռնության էր ենթարկել եւ դատարանի որոշմամբ կատարած հանցանքի դիմաց «արժանացել է» շատ մեղմ պատժի՝ ընդամենը 6 ամիս ազատազրկման։
Դրանից հետո լուսանկարչուհին ազդեցիկ ֆոտոշարք է արել։ Լուսանկարներում սեռական ոտնձգությունների ենթարկված մոդելները ցուցատախտակներով են, որոնց վրա գրված է ֆոտոշարքի մեսիջը.
«Իմ կիսաշրջազգեստը չափազանց կարճ էր»
«Ես պետք է ակնկալեի, որ նման բան կպատահի»
«Ես էի մեղավոր, խմած էի»
«Ես շատ ջերմ էի»
«Ես պետք է իմանայի, ինչպես դրսեւորեի ինձ»
«Ես չպետք է մենակ զբոսնեի»
«Ես չեմ կարող մերժել իմ ընկերոջը»
Աղբյուրը՝ DailyMail
Պատրաստեց՝ Յանա