Հանգուցյալ Ժաննա Ֆրիսկեի ծնողների ու նրա ամուսին Դմիտրի Շեպելեւի միջեւ մշտապես նորանոր սկանդալներ են բորբոքվում:
Ֆրիսկեների ընտանիքի փաստաբանի խոսքով` երգչուհու հայրը՝ Վլադիմիր Ֆրիսկեն, որոշել է ոստիկանություն դիմել երեխայի անհետացման մասին հաղորդումով:
Պատճառն այն է, որ նրանք թոռան հետ արդեն մի քանի ամիս է կապ չունեն: Փաստաբանի խոսքով` հեռախոսազանգերին չի պատասխանում նաեւ երեխայի հայրը՝ հեռուստահաղորդավար Դմիտրի Շեպելեւը: Սակայն լրագրողները, ի տարբերություն Վլադիմիր Ֆրիսկեի, կարողացել են գտնել շոումենին:
Նա լրագրողներին հայտնել է, որ առաջին անգամ է լսում, որ իր նախկին աները ոստիկանություն է դիմելու:
«Անհրաժեշտ չեմ համարում մեկնաբանել նրա հերթական հորինածները: Ոստիկանության ներկայացուցիչները կկապվեին ինձ հետ, եթե նրանց դիմած լինեին: Հետեւաբար դա հերթական սադրանքն է: Որդիս հիմա արտասահմանում հանգստանում է իմ ու իմ ընտանիքի հետ: Հարցը սպառված է»,- մեջբերել է Դմիտրի Շեպելեւին Life.ru–ն: