Բելգիահայ երգչուհի Keyoh-ը` ծննդյան խնջույքի եւ սիրելիի անակնկալի մասին
12:17 12 հուլիսի, 2016Բելգիայում բնակվող հայ երգչուհի Keyoh-ը երեկ նշում էր ծննդյան տարեդարձը: Նրան ուղղված բազմաթիվ շնորհավորանքներին միացանք նաեւ մենք եւ ճշտեցինք երգչուհու ծննդյան օրվա ամենահետաքրքիր մանրամասները.
«Ուղիղ ժամը 12-ին ինձ զանգահարեցին Հայաստանում բնակվող փոքրիկ զարմուհիներս` Անուշիկն ու Մանեն եւ որպես նվեր ինձ ուղարկեցին իրենց կողմից պատրաստված բացիկները: Ինձ դա այնքան հուզեց, որ հետո թաքուն արտասվեցի»,-պատմում է երգչուհին, որի նվերների մեջ երեկ գերաշկռում էին վարդերը:
«Հիմնականում ինձ նվիրել են նոր տանս համար նախատեսված պարագաներ. Այնտեղ կտեղափոխվենք ամուսնանալուց հետո: Բայց ամենայուրահատուկ նվերը ստացել եմ փեսացուիցս` Ջեյսոնից: Մի անգամ նրան ասել էի, որ շատ կցանկանայի ունենալ ոսկե վանդակ, որտեղ կլինեին թռչուններ: Ահա, թե ինչով նա ինձ անակնկալի բերեց առավոտյան եւ նաեւ նվիրեց վարդերով զարդարված գեղեցիկ մի տուփ»:
Իր ծննդյան տարեդարձը KeyOh-ը նշել է ընտանիքի անդամներ հետ:
«Դե գիտեք` հայկական ավանդական ձեւով եմ նշել ծնունդս` խորոված, կենացներ… Սակայն ծննդյանս երեկույթը կնշենք հուլիսի 17-ին` քույրիկիս հետ միասին, քանի որ այդ օրն էլ նրա ծննդյան տարեդարձն է եւ մենք միշտ այն միասին ենք տոնում: Կարծում եմ` այգում մի երկույթ կկազմակերպենք եւ կհրավիրենք մեր մտերիմ ընկերներին ու հարազատներին»:
Ինչպես շատ հոբելյարներ` Keyoh-ը եւս երազանք է պահում ծննդյան օրը.
«Բայց երազանքիս մասին այսօր չեմ խոսի. չէ՞որ, այդպես այն չի կատարվի»:
Երգչուհու համար կատարյալ են այն ծննդյան տոները, որոնք նա նշում է ընկերների եւ ընտանիքի անդամների հետ.
«Նրանք ամեն ինչ անում են, որ օրս անմոռանալի անցնի: Այս տարի էլ շատ հատուկ օր ունեցա` դրական փոփոխություններով լի…»
Սյունե Առաքելյան