Շեյխերը գնացքում. Դուբայի միլիարդատեր ղեկավարն ու որդին՝ լոնդոնյան մետրոյում

Արաբ շեյխերն ու միլիոնատերերը սիրում են հանգստանալ ու ժամանակ անցկացնել Լոնդոնում՝ ցուցադրելով իրենց շքեղ, երբեմն անգամ ոսկեզօծ մեքենաներն ու դրանց ավտոշարասյունը։ Ճիշտ է, ՄԱԷ-ի վարչապետ եւ փոխնախագահ, Դուբայի Էմիրության ղեկավար Մուհամեդ իբն Ռաշիդ ալ-Մաքթումը Շեյխ Մուհամեդը նույնպես ամռանը նախընտրում է լինել Մեծ Բրիտանիայում (որտեղ ի դեպ, կրթություն է ստացել), սակայն որոշել է մետրոյով շրջել Լոնդոնում։

Ըստ Forbes-ի՝ 4 միլիարդ կարողություն ունեցող շեյխին ուղեկցել է նրա որդին՝ Համդան իբն Մոհամմադ ալ-Մաքթումը, որը հոր հետ արված լուսանկարները հրապարակել է սոցցանցերի իր էջերում։

Ի դեպ, հայր ու որդու արաբական ավանդական հագուստի փոխարեն նախընտրել են սովորական բլուզ եւ տաբատ համադրությունը։ 

Աղբյուրը՝ Daily Mail