Դենիել Ռեդքլիֆ. Հարի Փոթերն այսօր դարձավ 27 տարեկան
13:43 23 հուլիսի, 20162000-ականների սկզբին էկրաններ բարձրացավ փոքրիկ, բայց տաղանդավոր կախարդի մասին պատմող «Հարի Փոթեր» ֆիլմը, որտեղ գլխավոր դերակատարին` Հարիին, մարմնավորում էր 12-ամյա Դենիել Ռեդքլիֆը:
Տարիներ շարունակ դերասանը մարմնավորում էր հմուտ կախարդին եւ, կարծես թե, հենց այդ ֆիլմի շնորհիվ էլ Դենիելը բառի բուն իմաստով մեծացավ հանրության աչքի առջեւ:
Այսօր երիտասարդ դերասանը նշում է ծննդյան 27-ամյակը:
2007 թ-ից Դենիելը հասկանում է, որ իրեն գրավում է ոչ միայն ֆիլմի, այլեւ թատրոնի աշխարհը եւ նա սկսում է խաղալ նաեւ ներկայացումներում:
2012 թ-ին Ռեդքլիֆի երկրպագուներն իսկական շոկ ապրեցին` տեսնելով իրենց «փոքրիկ Հարիին» «Սեւազգեստ կինը» սարսափ ֆիլմում, որտեղ դերասանը ներկայանում է, բավականին, հասուն կերպարով եւ արդեն հայրիկի դերում:
Ռեդքլիֆը ակտիվորեն մասնակցում է բարեգործական միջոցառումներին. նա նաեւ հանդես է գալիս ինքնասպանության դեմ կոչերով, ինչի համար էլ 2011 թ-ին պարգեւատրվել է «Հերոսի» մրցանակով:
Մինչ շատերը Դենիելին շարունակում են ասոցացնել Հարի Փոթերի հետ, դերասանը նկարահանվում է նոր ֆիլմերում` ցույց տալով, որ արդեն հասունացել է այլ կերպարներ մարմնավորելու համար:
Ներկայացնում ենք դերասանի մասնակցությամբ հինգ ֆիլմ, որտեղ կտեսնեք արդեն հասուն Դենիել Ռեդքլիֆին:
«Եղջյուրներ»/Horns
«Վիկտոր Ֆրանկեյնշտեյն»/Victor Frankenstein
«Ինչ, եթե...»/What If
«Սեւազգեստ կինը»/The Woman in Black
«Սպանելով սիրելիներիդ»/Killing Your Darlings
Սյունե Առաքելյան