Աստղային make up. Շակիրա (ֆոտո)
18:02 24 հուլիսի, 2016Կոլումբիացի երգչուհի Շակիրան այն քչերից է իր ասպարեզում, որ կարողացել է պահպանել իր բնական գեղեցկությունը, միեւնույն ժամանակ չզիջելով իր դիրքերը երաժշտասերների շրջանում:
Կրակոտ երգչուհին գրավում է լսարանին իր խենթ ռիթմերով, գրավիչ պարերով, գեղեցիկ մարմնով եւ նուրբ դիմագծերով:
Շակիրան այն քչերից է, որը ոչ միայն չի դիմել որեւէ պլաստիկ միջամտության, այլեւ իր բնական տեսքը ամեն անգամ շեշտում է նաեւ բնական դիմահարդարմամբ:
Երգչուհուն առանձնահատուկ հմայք են հաղորդում պեպենները, որոնք նա երբեմն չի էլ թաքցնում տոնային քսուքի կամ դիմափոշու ետեւում. փոխարենը գեղեցկուհին շեշտում է իր այտոսկրերը` դրանք ընդգծելով նուրբ վարդագույն երանգով:
Երգչուհուն շատ է սազում նաեւ smokey eyes դիմահարդարումը, որը նրան էլ ավելի գայթակղիչ եւ վայրի տեսք է հաղորդում:
Շակիրային հաճախ կարելի է տեսնել նաեւ առանց դիմահարդարման:
Նայելով նրա լուսանկարներին մի բանի մասին ես մտածում. Այո, Պիկեի բախտն իրոք որ բերել է գեղեցկուհի կնոջ հարցում:
Սյունե Առաքելյան