Աշխարհի տարբեր անկյուններում կարելի է գտնել ռեստորաններ, որոնք հաճախորդներին գրավում են ոչ թե առաջարկվող խոհանոցի յուրահատկությամբ, սպասարկմամբ, երաժշտությամբ կամ ճարտարապետությամբ, այլ հենց միջավայրով ու դրան համապատասխան ինտերիերով։
Ահա հենց այսպիսին է Ինդոնեզիայում ապրիլին բացված «Jamban Cafe» սրճարանը (անունը պատահաբար չէ ընտրված, քանզի Jamban թարգմանաբար նշանակում է զուգարան), որտեղ այցելուները նստում են զուգարակոնքերի վրա եւ սպասարկվում են զուգարանից։
Ռեստորանում մատուցվում են ավանդական ինդոնեզական ուտեստներ, հատկապես «Բակսո»՝ մսագնդեր պատրաստված հատուկ սոուսի մեջ։
Սակայն որքան էլ անհավատալի է թվում՝ նորաբաց սրճարանի տնօրենը պնդում է, որ այստեղ սնունդը շատ մաքուր է ու հիգիենիկ։
«Այս սրճարանը հիշեցնում է բոլորին, որ Ինդոնեզիայում դեռ կան մարդիկ, որոնք զուգարան չունեն»,- ավելացնում է տնօրենը։
Աղբյուրը՝ Daily Mail