Դանա Բորիսովան հերքում է, որ հայի հետ է ամուսնանում

Առավոտյան հայտնի էր դարձել, որ ռուս հաղորդավարուհի Դանա Բորիսովան ամուսնանում է հայի հետ։ Սակայն 40-ամյա Դանան հերքել է այդ լուրերը՝ Instagram–ում բոյֆրենդի հետ լուսանկար տեղադրելով։

«Ընկերնե՛ր, հետաքրքիր է ստացվում։ Այսօր ամբողջ օրն ինձ նյութեր էին ուղարկում, որտեղ փեսացուիս 30 հազար ռուբլի աշխատավարձ ստացող հայ են անվանում,– գրել է հեռուստաաստղը։– Եվ թեպետ ես իմ բոլոր բաժանորդներին խոստացել էի ՈՉ ՄԻ ԿԵՐՊ ՉՄԵԿՆԱԲԱՆԵԼ այս հարցը, այդուհանդերձ ահա իմ իսկական մտերիմ ընկերոջ լուսանկարը։ Նրա անունը Ալեքսանդր է, եւ նրան գիտեն ավտոմոբիլային բիզնեսի բոլոր թոփ մենեջերները։ Իսկ «օլիգարխ» ես նրան երբեք չեմ անվանել։ Իսկ այն, որ մենք Ալեքսեյի եւ 2 զույգի հետ եղել ենք #mw_club կարաոկեում, հավանաբար սխալ տեղեկությունների առիթ է տվել։ ՎԵՐՋ։ ԱՅԼԵՎՍ ՈՉ ՄԻ ԲԱՌ։ Իմ անձնական կյանքն ի՛նձ թողեք, գոնե հանուն իմ դստեր։ ԵՍ ՀԵՐՔՈՒՄ ԵՄ ԻՄ ԿՅԱՆՔՈՒՄ 31-ամյա հայի ներկայությունը (հուսամ, ոչ ոքի չեմ վիրավորի, պարզապես դա տղամարդու իմ տեսակը չէ)։ Այո, ես ու Սաշան ունենք ընտանեկան զույգ, որի հետ մենք ՇԱՏ ՄՏԵՐԻՄ ենք... Շատ տհաճ է, որ վատ վիճակի մեջ ես դնում ընկերներիդ։ Խնդրում եմ, հանգիստ թողեք մեզ եւ մեր ընկերներին»։

Հիշեցնենք, որ ավելի վաղ «КП»–ին տված հարցազրույցում Դանան ասել էր հետեւյալը. «Իմ ընտրյալը 31 տարեկան է։ Ապագա ամուսինս հայ է։ Չնայած, որ մենք դեռ չենք ամուսնացել, նրան դուր է գալիս ինձ իր կինն անվանել։ Լյոշայի աշխատավարձն ընդամենը 30 հազար ռուբլի է, բայց դա չէ կարեւորը։ Նա 7 ամսով սովորելու է մեկնում, առաջիկա ժամանակներս նրան նոր հեռանկարներ ու հնարավորություններ են սպասում։ Եվ ես առաջին անգամ ինձ ամուր տղամարդկային թիկունքի հետեւում եմ զգում։ Կարող եմ ասել մի բան. մենք սիրում ենք միմյանց։ Կարծում եմ, որ ես առանձնահատուկ մարդու եմ հանդիպել»։