Ամենավատ բանը, որ կարող է պատահել ինձ հետ, բոլորին նման լինելն է. այսօր ծնվել է Առնոլդ Շվարցենեգերը
12:35 30 հուլիսի, 2016Այսօր իր ծնդյան 69-ամյակն է նշում աշխարհի ամենահայտնի «Տերմինատորը»` ամերիկացի դերասան Առնոլդ Շվարցենեգերը: Մինչ ֆիլմերում նկարահանվելը նա աշխատել է որպես թիկնապահ, իսկ 2003-2011 թ-երին զբաղեցրել է Կալիֆորնիայի նահանգապետի պաշտոնը:
Քչերին է հայտնի, բայց 20 տարեկան հասակում Շվարցենեգերը դարձել է «Միստեր Տիեզերք» գեղեցկության մրցույթի հաղթող, այնուհետեւ յոթ անգամ հաղթել է «Միստեր Օլիմպիա» մրցույթում:
Ֆիլմասերների շրջանում Առնոլդը մեծ ճանաչում ձեռք բերեց «Քոնան» ֆիլմի շնորհիվ: Դե իհարկե, անժխտելի է նաեւ` որպես «Տերմինատոր» նրա հաջողությունը:
«Միստեր տիեզերքն» ու «Տերմինատորը» իր պատկերացումներն ունի կյանքի եւ հաջողության մասին: Նրա հայտնի մեջբերումներից մի քանիսը ներկայացնում ենք ձեր ուշադրությանը:
«Ուժը չի ստեղծվում հաղթանակի միջոցով: Ուժը` դժվարությունները հաղթահարելն ու չհանձնվելն է»:
«Ապրել` չի նշանակում, պարզապես, գոյություն ունենալ: Ապրել` նշանակում է ձգտել, պայքարել, հասնել մի բանի…»
«Հիշեք` հաջողության աստիճաններով չեք կարող բարձրանալ, մինչ ձեր ձեռքերը գրպանում են»:
««Ես կվերադառնամ» արտահայտությունն ինձ համար միշտ էլ կանացի է հնչել»:
«Ես տարված եմ մարմնամարզությամբ: Ամեն օր պետք է պարապեմ»:
«Ձախողումը լուծում չէ: Բոլորն էլ պետք է ձգտեն հաջողության»:
«Կաթը երեխաների համար է… երբ մեծանում ես, այն պետք է փոխարինես գարեջրով»:
«Եթե իմ կյանքը կինո լիներ, ոչ-ոք չէր հավատա, որ այն իրական է»:
«Սկսեք խորքից, տարածվեք շատ հեռու, բայց երբեք մի նայեք ետ»:
«Ամենավատ բանը, որ կարող է պատահել ինձ հետ, բոլորին նման լինելն է: Ատում եմ միօրինակությունը»:
Սյունե Առաքելյան